之前講過好多翡翠避坑嘅知識，今日就總結下，一共有五點好重要。第一就係唔好碰翡翠原石，你識唔識睇皮殼、松花、裂紋、紋路方向？而且原石都可能係假嘅，你可能都未聽過，有啲叫貼窗、拼接、假皮子等等，你乜都唔識咪好易畀人呃囉？

第二唔好收太多磚頭料，雖然唔貴，但係佢冇種又冇色，亦唔稀有，戴一兩件玩下得啦，唔好買到上癮就得。

第三唔好貪小便宜，翡翠係典型一分價錢一分貨，冇人會將又冰又有色嘅翡翠手鐲幾百蚊賣俾你，除非佢係假嘅。

第四唔好揀太薄嘅翡翠，唔夠實好易碎，也唔值得你花大錢去買佢。

第五買翡翠唔好去睇透射光，一般嚟講直播間訂製手鐲嘅時候，都會俾你一塊大板料，大板料背後射光射到透曬，你睇落就覺得呢塊料又冰又透，實際上即使再爛嘅磚頭料，用強透射光射都會比較冰比較透，大家記住翡翠要睇自然光，呢個先係佢本來應該嘅樣子。